وبقت ساكتة .. !

وبقت ساكتة ودايماً منعزلة ..
وعن كل اللى حواليها منفصلة ..
فقررت تبقى لوحدها ..

لأن مفيش حد قدر يفهمها لما يقرب حتى منها ..
حست إنها كدا او كدا عايشة لوحدها ..
ففكرت تبعد وتعيش لنفسها ..

بس تفتكروا دا حل ليها ؟!
وإنها مهما بعدت وانفصلت ..
هتقدر تكمل ع الحال دا لوحدها
بس أرجع وأقول ..
مهما كان دى حالة وبتعدى
زيها زى أى ازمة ممكن تمر على أى حد
وبردو تعدى !
الأهم إنك ماطوليش ف الحالة دى ..
وتقومى وتنامى ع نفس الوتيرة ..
أصل بينى وبينك الحياة مش قطعة مستقيمة ..
ومش هتبقى ع مزاجنا طول ما احنا عايشنها ..
لازم تاخد مننا واحنا كمان نديلها !

يعنى خلى الحالة دى تاخد معاكى وقتها ..
بس انت كمان لازم تفوقى ف اقرب وقت منها ..
لأنها صعبة بجد ومتعبة .. !


بقلمى ...