البنات والشباب ف مجتمعنا

ف مجتمعنا ، الشاب لو حب أو عمل علاقة بيكون فرحان وفخور بنفسه جداً ..

لا والأدهى بقى إنه ممكن تبقى بالنسبة له تسلية وحكاوى القهاوى بينه وبين أصحابه ! O.o

والمبرر اللى زهقنا منه بقى .. !
إن هو الراجل يعنى ع رأى جدتى من أيام الزمن الفظيع ! :D
" احدفى الراجل ف النار بردو هيطلعلك زى ما هو " ! :D
معرفش إيه الأمثال العجيبة دى .. يلا ما علينا يعنى جت عليها ! :D

نيجى بقى لداهية الكبيرة جوووووووى .. !
البنت بقى لو حبت مرة وإذ فجأةً إتسألت عن الحب دا ..
وجاوبت إنها فعلا حبت قبل كدا ويمكن كمان يكون الحب دا شئ بينها وبين نفسها
يعنى عمرها ما كلمت البنى آدم اللى حبته دا ، حب من بعيد لبعيد يعنى!

يالهووووووى ياجدعان ع كمية الله يسهلوا وايوة ياعم والتلقيحات بقى :D
وآه لو كان الفون ويتنج .. " أصلا متعرفلوش رقم " .. :D
تبقى
يادى الفضيحة ام جلاجل يادى الجرسة أم حناجل .. ! :)))

السؤال بقى ؟!
ليه بقى النظرة دى من الناس .. افهم ؟!
عندهم إنها ممكن تكدب ولا تقولشى اللى جواها !
ليه حتى بنحاسب اللى قدامنا ع حاجة جواه !
ليه دايماً حاطين بعض ف خانة الدفاع عن النفس !

أعتقد ..
إن المرأة مهما وصلت ف مجتمعنا دا لأى مكان مرموق مهما كان ، وارتقت فيه وبيه لأعلى المناصب .. هتفضل نظرة المجتمع ثابتة ليها !
وهتفضل كائن مظلوم ومضطهد ومحط الأنظار لأى حاجة بتصدر منها !

كل الأديان السماوية بداية من التوارة حتى الإسلام قدست المرأة وشأنها ف كل شئ ما دامت حافظت ع كونها أنثى .. !

أحياناً للأسف .. مهما ارتقينا واتعلمنا ، هيفضل ف مستوى معين من التفكير مسيطر
ع عقولنا .. !

ملحوظة صغيرة ف اخر كلامى : كلامى مش من مبدأ العموم لأنه مبدأ خاطئ ،
لكل قاعدة شواذ أكيد ..
وكلامى مش تهكم ع فرد بعينه بل هو نظرة مجتمع أصبحت نفسيته مريضة !

بقلمى